நாளைக்கு நான் வேலைக்கு
போறேன் நண்பர்களே!
பத்துச் சாமான் சுத்திக்குடுத்து
பத்துரூபா சம்பாதிக்கப்
போறேன் நண்பர்களே
 |
| Image Credit: Google |
கல்விக்குக் காசில்லிங்க
கனவெல்லாம் கலைஞ்சுடுச்சு
நாடகமும் முடிஞ்சிருச்சு
அடுத்த வேஷமும் போட்டுக்கத்தான்
நேரமும் வந்துருச்சு
படிக்கப் பிடிக்கலே
பள்ளிக்கூடத்தை பிடிச்சிருக்கு
வாழப் பிடிக்கலே
வாழ்க்கையைப் பிடிச்சிருக்கு
நல்லாச் சொன்னிங்க சிநேகிதர்களே
பொழைக்கத் தெரியாதவன் இவன்னு
பொழைக்கத்தானுங்க போறேன்
போய்ட்டு வாறேன் தோழர்களே!
 |
| Image Credit : Google |
இக்கவிதை இலங்கையின் பிரபல மலையக வார இதழான "சூரியகாந்தி" இதழில் 03.06.2009 இல் வெளியான எனது கவிதை. இது மலையக இளைஞர்களை எண்ணி எழுதப்பட்டதாகும்.
வேலைக்கு போறேன்!
#மலையகம் #வேலை #உழைப்பு #இளைஞன் #பள்ளிக்கூடம் #வாழ்க்கை #நேரம் #கல்வி #நாடகம் #கவிதை #சூரியகாந்தி
